Барак Обама на листата на „Тајмс“ на највлијателни личности на интернетЊујорк, 6 март 2015 (МИА) - Претседателот на САД Барак Обама е меѓу 30-те највлијателни личности на интернет, според листата на магазинот „Тајмс“, пренесува ТАСС.
На листата се наоѓаат уште неколку претседатели, како и ѕвезди од шоу бизнисот.
„Тајмс“ наведува дека меѓу државните лидери Обама има најмногу лајкови на „Фејсбук“ и најмногу следбеници на „Твитер“. Меѓу другите највлијателни на интернет државни лидери се претседателката на Аргентина Кристина Кирхнер и премиерот на Индија Нарендра Моди.
На листата на „Тајмс“ се наоѓа и рускиот опозиционер Алексеј Навални.
Меѓу претставниците на шоу бизнисот се Тејлор Свифт, Шакира, Џастин Бибер и Бијонсе, Гвинет Палтроу и Ким Кардашијан.
Меѓу 30-те највлијателни личности на интернет се наоѓа и британската писателка Џоан Роулинг, автор на серијалот „Хари Потер“.
|