Дамаск, 26 март 2015 (МИА) - Сирија уништила три од вкупно 12 складишта за производство на хемиско оружје, соопшти Организацијата за забрана на хемиското оружје, додавајќи дека моментално не е безбедно да се продолжат операциите за уништување на уште три такви објекти.
Во извештајот на Организацијата, кој вчера му е предаден на Советот за безбедност на Обединетите нации се наведува дека Сирија се согласила да уништи седум хангари за чување авиони и пет подземни структури, кои се користат за производство на хемиско оружје.
Генералниот директор на Организацијата, Ахмет Узумку наведува во извештајот дека негов тим експерти потврдил оти три тунели се уништени, како и дека во тек е демолирање на четврта подземна структура.