Њујорк, 26 март 2015 (МИА) - Обединетите нации утре ќе одржат состанок на претставници на безбедносни служби од над 100 земји, на кој ќе се побара помош за најголемите мировни операции досега со речиси 130.000 војници ангажирани во 16 мировни мисии од Конго до Голанската висорамнина.
Мировните мисии се соочуваат со се поголема закана од групи, како што е Исламска држава, кои не ги почитуваат традиционалните поими на војна и мир.
Закана за светскиот мир претставуваат руската агресивност на исток, како и драстичниот напредок на ИД на југ.
Додека Европа се соочува со нови закани во близина на својата територија, САД од неа бараат да се осврне на зачувување на мирот ширум светот.