Бан: Преговори со посредство на ОН единствен начин за решавање на судирот во ЈеменШарм ел Шеик, 28 март 2015 (МИА) - Преговори со посредство на Обединетите нации се единствена шасна за спречување на долготрајниот судир во Јемен, порача денеска генералниот секретар на ОН, Бан Ки-мун на самитот на Арапската лига во египетското летувалиште Шарм ел Шеик.
Јеменската криза стана главна тема на самитот, чиј домаќин е Египет и на кој присуствуваат 20 лидери на арапските држави, меѓу кои и јеменскиот претседател во бегство Абд Рабо Мансур Хади. Тој по денешниот говор замина за Саудиска Арабија.
- Преговорите, со кои посредува мојот специјален пратеник Џамал Бен Омар и кои се поддржани од Советот за безбедност, остануваат единствена шанса за спречување на долготрајниот, сеопфатен судир, изјави Бан.
Тој побара од арапските лидери на самитот да дадат јасни насоки за мирно решавање на кризата во Јемен.
|