Јасин: Копнените сили можност за следната фаза на операцијата во ЈеменШарм ел Шеик, 28 март 2015 (МИА) - Копнените сили на арапските земји би можеле да бидат вклучени во следната фаза на операцијата, предводена од Саудиска Арабија против шиитските бунтовници во Јемен, изјави денеска шефот на јеменската дипломатија Ријад Јасин.
На прашањето на самитот на Арапската лига во Египет дали копнените сили ќе бидат потребни, Јасин пред новинарите истакна дека постои таква можност. - Тоа е можно. Сосема можно, рече Јасин.
Тој додаде дека јеменскиот претседател Абд Рабо Мансур Хади ќе остане во една арапска престолнина се додека не се стабилизира состојбата во Јемен.
Саудиска Арабија заедно со своите сојузници почна во четвртокот воздушни напади врз позиции на Хутите во Јемен.
|