Третина од републиканците Обама го сметаат за непосредна закана за САДВашингтон, 30 март 2015 (МИА) - Една третина од републиканците го сметаат Барак Обама за непосредна закана за САД, со што американскиот претседател го ставија пред претседателите на Русија и Сирија, соопштуваат британските медиуми.
Онлајн анкетата на Ројтерс/Ипсос во текот на март анкетираше 2.809 Американци од кои побара оценка од еден до пет за опасноста што за САД ја претставуваат држави, организации и поединци.
Истражувањето покажа дека 34 отсто од републиканците Обама го сметаат за непосредна закана, 25 отсто го посочиле Владимир Путин и 23 отсто Башар ал-Асад.
Истражувањето беше спроведено меѓу 16 и 24 март, а во него учествуваа 1.083 демократи и 1.059 републиканци. Дваесет и седум проценти од републиканците ривалската Демократска партија ја сметаат за непосредна закана, а 22 проценти демократи, пак, Републиканската партија ја гледаат како таква закана.
|