Тројца ранети при напад во универзитетски кампус во САДЊујорк, 19 април 2015 (МИА) - Три лица е поврдени кога вооружен маж отворил оган врз група студенти во мензата на кампусот на Државниот универзитет на Делавер (ДСУ) во американскиот град Довер, соопшти денеска локалната полиција.
Американските медиуми јавуваат дека напаѓачот успеал да побегне и дека полцијата се уште трага по него.
Инцидентот се случил синоќа околу 20 часот по локално време (ноќеска во два часот по средноевропско време).
Портпаролот на ДСУ, Карлос Холмс соопшти дека застреланите студенти се пренесени во болница, каде е утврдено дека повредите не се опасни по живот и тие се наоѓаат во стабилна состојба.
Ректорот на Универзитетот, Хари Вилијамс апелираше до студентите да останат во своите соби и да не го напуштаат кампусот.
- Безбедност на нашите студенти е на прво место, а полицијата интензивно ќе продолжи со истрагата се до апсењето (на извршителот), порача Вилијамс.
|