Најмалку 18 загинати при воздушни напади на владините сили во СиријаДамаск, 19 април 2015 (МИА) - Најмалку 18 цивили, меѓу кои и деца, се убиени при воздушни напад на авиони на сириското Воено воздухопловство врз реони под контрола на бунтовниците во провинцијата Дера, на крајниот југ на Сирија, јави ДПА.
Според опозицискиот Сириски центар за мониторинг на човековите права, со седиште во Лондон, при воздушните напади врз населените подрачја, владините авиони исфрлале и буриња наполнети со експлозив.
Провинцијата Дера се наоѓа на гранциата на Сирија со Јордан.
На почетокот на неделата организацијата за заштита на човековите права „Хјуман рајтс воч“ (ХРВ) обвини дека сириските владини сили во текот на март во шест наврати во реони под контрола на бунтовниците во провинцијата Идлиб, при воздушни напади од авионите исфрлале буриња наполнети со хлор.
Во денешното соопштение на Сирискиот центар за мониторинг на човековите права не се посолува дали во бурињата исфрлени над Дера имало хлор.
|