АСЕАН и ЕУ ќе ги обноват преговорите за договорот за слободна трговијаКуала Лумпур, 26 април 2015 (МИА) - Асоцијацијата на државите од Југоисточна Азија (АСЕАН) и Европската унија денеска се договорија да преземат мерки за обновување на преговорите за склучување на договор за слободна трговија меѓу двата региони.
Високи претставници на АСЕАН и на ЕУ ќе одржат консултации за обновување на преговорите до крајот на годината.
- ЕУ е цврсто решена да склучи договор за слободна трговија меѓу двата региони, изјави еврокомесарката за трговија Сесилија Малстром.
Преговорите за склучување на договор за слободна трговија почнаа во 2007 година, но две години подоцна беа прекинати, поради учеството на Мјанмар во АСЕАН.
ЕУ веќе има склучено договори за слободна трговија со четри земји-членки на АСЕАН - Малезија, Тајланд, Виетнам и Сингапур.
На денешниот самит во Малезија предвидено е да се разговара и за формирање на Економската заедница на АСЕАН.
АСЕАН ја сочинуваат Малезија, Индонезија, Брунеи, Сингапур, Тајланд, Лаос, Мјанмар, Камбоџа, Виетнам и Филипините, а од почетокот на идната година ќе треба да функционира на принципи што се речиси идентични на ЕУ.
|