Во Бурунди убиени двајца демонстранти Бујумбура, 26 април 2015 (МИА) - Двајца демонстранти се убиени од огнено оружје денеска во главниот град на Бурунди, Бујумбури, додека протестирале против кандидатурата на досегашниот претседател Пјер Нкунрузуза за трет мандат.
Демонстрантите блокираа патиштата во Бујумбури, запалија гуми и фрлаа со камења, а полицијата употреби водени топови и солзавец против демонстрантите.
Протестите избија откако вчера владејачката партија ЦНДД-ФДД на претседателот Нкунрузуза го именува за кандидат на претседателските избори што треба да се одржат на 26 јуни.
Илјадници луѓе денеска учествуваа на протестот и покрај владината забрана за протести.
Опозицијата во Бурунди апелираше до Нкурунзиза да не се кандидира за трет мандат, со образложение дека тоа е противуставно.
|