Алмати, 27 април 2015 (МИА) - Гласачите на предвремените претседателски избори во Казахстан имаа ограничен избор поради недостигот на вистинска опозиција и ограничувањето на слободата на изразување, соопшти Организацијата за безбедност и соработка во Европа.
Претседателот Нурсултан Назарбаев, кој е на власт од 1989 година освои 97,7 отсто од гласовите на вчерашните избори, според официјалните податоци и со тоа обезбеди нов петгодишен мандат на чело на земјата богата со нафта.
- Актуелниот претседател и неговата политичка партија доминираат во политиката и во земјата нема сериозна опозиција, изјави Корнелија Јункер, раководителка на набљудувачката мисија за изборите од Канцеларијата за демократски институции и човекови права на ОБСЕ.