Земјотрес со интензитет од 6,8 степени според Рихтеровата скала е регистриран во близина на Соломоновите Острови во јужниот дел на Тихиот Океан, само неколку дена откако архипелагот беше погоден од друг силен земјотрес, соопшти Геофизичкиот институт на САД.
Земјотресот, за кој првично беше соопштено дека е со интензитет од 6,9 степени, бил почувствуван во 8:45 часот по локално време.
Епицентарот е локализиран на 224 километри источно од градот Киракира на длабочина од 37 километри под океанското дно.
Пацифичкиот центар за предупредување соопшти дека земјотресот не предизвикал цунами.