На босанската телевизија Хајат е објавена бизарна вест дека на трафиките се наоѓаат албум со сликички од починатата македонска мега ѕвезда Тоше Проески. Многумина ги згрози фактот што внатре се ставени и сликите од сообраќајната несреќа и погребот на Тоше.

На различните босански форуми луѓето се чудат како некој може на така морбиден начин да заработува. Сите се сложуваат дека некои граници мора да бидат поставени.

„Во БиХ се појави Тоше Проески – албум со сликички. Морбидно е што внатре се наоѓаат слики од несреќата на Тоше и погребот. Децата станаа големи колекционери на страшниот призор од несреќата и погребот на Тоше. Човекот кој го пушти во печат албумот нема право на тоа... На оваа морбидност треба да и се стави крај“, вели една од посетителките на форумот.

Тоше Проески загина на 16 октомври 2007 година, во сообраќајна несреќа кај Нова Градишка, Хрватска.

{Д.Т}