По повод ребрендирањето на Македонски телекомуникации во Македонски Телеком и доаѓањето на новиот бренд Т-Хоме, на Плоштадот "Македонија" во Скопје ќе биде организиран четиричасовен концерт со најголемата музичка sвезда на Балканот Здравко Чолиќ и најуспешниот британски женски состав во 21-от век "Шугабејбс".

Концертот ќе се одржи на 17 мај, сабота, на плоштадот "Македонија" и ќе биде бесплатен за сите посетители.

Официјалниот почеток е закажан за во 20,30 часот со двочасовниот настап на Здравко Чолиќ, кој последниот настап во Македонија го имаше пред 4 години . Во 22, 30 часот ќе настапат трите членки на "Шугабејбс" Киша, Хејди и Емели кои во музичката кариера имаат 10 топ хитови, повеќе и од "Спајс грлс". Настапот во Скопје ќе им биде прв настап воопшто на Балканот. Здравко во Скопје доаѓа по турнејата низ Северна Америка.