Холивудската двојка раскина во мај минатата година откако Хадсон го обвини Вилсон дека не е посветен на нивната врска. По раскинувањето ѕвездата на филмот „The Wedding Crashers“ се обиде да се самоубие, сечејќи си ги вените и земајќи преголема доза на апчиња.

По турбулентниот период, во март годинава Кејт и Овен повторно се смирија и се чини дека се посреќни од кога и да е.

Папараците минатиот викенд во Бостон направиле слики од Кејт на кои јасно се гледа нејзиниот свршенички прстен. Потврда на ваквите информации стигна и од близок пријател на двојката.

„Кејт му се најде во неговите најлоши моменти. За Овен тоа беше доказ дека таа е вистинската жена за него, жената со која сака да го мине целиот свој живот. Го избра најголемиот прстен кој можеше да го најде. Беше многу нервозен... Кејт беше трогната од запросувањето... целата ситуација беше многу емотивна“, вели изворот.

Изворот вели дека свршувањето било чекор напред во повторното продлабочување на врската на двојката. Да се надеваме дека овој пат врската ќе потрае.

(Д.Т)