Десет години по феноменалниот успех на серијата „Сексот и градот“, Кери, Шарлот, Миранда и Саманта ја добија својата филмска верзија.

Режисерот Мајкл Патрик Кинг вети „одличен секс“, а гледачите кои присуствуваа на вчерашната светската премиера во Лондон ни малку не беа разочарани. По завршувањето на двочасовниот филм следеа воздишки, насмевки, аплаузи, а неизбежни беа и шамичињата за насолзените очи.

„Сексот и градот“, велат критичарите им го даде тоа што им требаше на легијата обожавателки.

Филмот се врти околу прашањето ќе има ли или нема да има свадба, а сето тоа проследено со бременост, жесток секс, афера, и многу, многу дизајнерски фустани.

Нема да откриваме што се случува, но ќе кажеме, како и секогаш Ким Картел која ја глуми Саманта и понатаму ќе продолжи да ви ги краде насмевките.

Сара Џесика Паркер сакала да се откаже од „Сексот и градот“

Актерката Сара Џесика Паркер очајно сакала да се откаже од серијата „Сексот и градот“ и барала нејзиниот агент да го поништи  договорот.

Ѕвездата која се појавува во различни проекти во Њујорк не можела да се носи со фактот дека ќе биде врзана за ТВ шоуто додека трае серијата.

Кога нервозата кулминирала, актерката во паника му се јавила на својот агент и го убедувала да разговара со менаџментот на серијата „Сексот и градот“ да не ја регрутираат за улогата на Кери Бредшо.

„Имав прекрасен живот во Њујорк. Одев во театар, кино, имав слободно време на претек и редовно се гледав со своите пријатели. Ме фати паника кога ми рекоа дека ќе морам да бидам присутна на секое снимање. Никој не можеше да ме смири. Постојано мислев ’Што да направам за да побегнам?’ Му се јавив на мојот агент и го молев ’Мора да ме извлечеш од ова. Не ми е гајле што треба да направиш. Дури и да банкротирам и да останам на улица, јас едноставно не можам да бидам во серијата „Сексот и градот“.

Сепак открива дека нејзините стравови биле ирационални.

„На крај ме добија, и откога стапнав на првиот сет, никогаш повеќе не погледнав наназад“, вели Паркер.

Ким Картел – инспирација за постарите жени

Мајката на актерската Ким Картел сака да гледа како нејзината ќерка се соблекува во „Секот и градот“, бидејќи  Саманта е инспирација за сите постари жени.

Педесет и едно годишната актерка не се срамеше да се соблече во хит серијата на телевизијата „HBO“, а без сомнение се соблекува и во филмската адаптација.

„Ким е идол на сите жени во своите 50-ти години. Се зборуваше многу за нејзиното соблекување во филмот, но сметам дека таа изгледа одлично“, вели седумдесет и деветгодишната мајка на Картел и додава дека луѓето се љубоморни што Саманта изгледа добро и има одлично тело.

Mr Big. вибратор

Обожавателките на „Сексот и градот“ освен филмот добија уште еден поклон, вибратор посветен на познатата серија.

По повод десетгодишната од појавувањето на познатото култно шоу на пазарот се појави вибратор со името на познатиот срцекршач во серијата Mr Big.

На еден од интернет сајтовите стои дека жените дефинитивно ќе го обожаваат пред се затоа што нуди двојно задоволство.

Производителот „LoveHoney“ соопшти дека сите жени кои ќе го гледаат филмот ќе можат да го добија за половина цена.

„Како што Big беше вистинскиот за Кери, сметаме дека овој Mr Big ќе биде вистинскиот за фановите“, вели произведувачот.

(Д.Т)