Пејачката Ријана сака да ги прошири хоризонтите на своето дејствување со тоа што освен на музичките сцени, ќе заигра и на големото платно.

Дваесетгодишната пејачка чии хитови се носечки песни на неколку од најголемите холивудски саундтраци, признава дека би сакала да се види на големото платно. Сепак Ријана вели, дека за разлика од некои нејзини колеги не е водена од идејата да стане пејачка која станала актерка.

„Не знам дали ќе бидам добра во тоа, но би сакала да се испробам“, вели Ријана.

Се шпекулира дека хитмејкерката на „Umbrella“ ќе се појави во филмот „Mama Black Widow“, која ја отсликува приказната за миграцијата на едно црнечко семејство од Југот на САД во текот на 30-те години на минатиот век.

Во моментот, филмот се наоѓа во предпродукција, а во него ќе се појават Кери Вашингтон, Мос Деф и Меси Греј.

(Д.Т)