Холивудските актери Кејт Хадсон и Овен Вилсон повторно раскинаа – два месеца по обновувањето на нивната романса.

Американските медиуми јавуваат дека двојката, за која неодамна се шпекулираше дека се свршила откако на раката на Хадсон беше забележан голем дијамантски прстен, конечно раскрстила со романсата.

Ѕвездите се запознаа на сетот на „You, Me and Dupree“ во 2006 година, непосредно откако Хадсон се разведе од рокерот Крис Робинсон. Кејт и Овен првпат раскинаа во јуни минатата година, а само еден месец подоцна, во август ѕвездата на „Starsky and Hutch“ беше хоспитализирана по обидот за самоубиство.

Новиот прекин на врската следи откако весник во Мајами објави дека Вилсон за време на снимањето на филмот „Marley and Me“ флертувал со девојките. Весниците наведуваат дека Кејт била вознемирена поради информациите дека и Вилсон и пришол на некоја девојка во локалниот бар.

(Д.Т)