Балтазар Гети е милијардерот и татко на четири деца кој еден месец тајно се среќава со Сиена Милер, актерка чиј љубовен живот е постојано во фокусот на британската јавност.

Таблоидот „News of the World“, кој ја открива веста, пишува дека нивните папараци постојано ги следеле на тајните состаноци, кои Гети многу успешно ги планирал и се обидувал да ги скрие.

Откако сопругата на Балтазар дознала за авантурата со актерката, таа и четирите деца заминале во Италија.

Балтазар Гети (33) е наследник на нафтено „царство“ што го основал неговиот прадедо Џин Пол, некогаш најбогат човек на светот.

Освен што живее во раскош, Гети се занимава и со актерство, а токму неговото хоби, како што пишуваат медиумите, го довело до познатата актерка.

- Многу се трудеа да се скријат. Се дружеа само во затворен простор поради стравот од папараците. Доаѓааа и си одеа одделно, а секој пат преку „тајна операција“ тоа го правеа незабележливо, рече пријател на Сиена, кој ги објави ексклузивните фотографии од нивната авантура.