На уметниците сешто им паѓа на памет, но се чини дека германската Наташа Штелмах ги надмина „сите граници“. Имено, Штелмах тврди дека поседува дел од пепелта на фронтменот на Нирвана,  Курт Кобејн и оти планира да ја свитка во „џоинт“ и да ја испуши за време на својата изложба во Берлин!

Пепелта на некогашниот фронтмен на Нирвана беше украдена во мај годинава од куќата на неговата вдовица Кортни Лов. Оттогаш на пепелта и се губи секоја трага.

Германскиот уметник Наташа Штелмах тврди дека пепелта по некој „магичен пат“ завршила кај неа и оти планира да ја испуши пепелта на култниот пејач за време на изложбата која го носи називот „Set Me Free“. Штелмах сепак одбива да открие како станала сопственик на пепелта на Кобејн, кој се самоуби на 5-ти април 1994 година.

„Сега пепелта е кај мене и јас ќе го ослободам“, вели Штелмах.

„Ослободувањето“ на пепелта на Кобејн е закажано за 11 октомври, како финална точка на изложбата.

Германскиот уметник вели дека на тој начин сака симболично да го „ослободи“ Кобејн од медиумскиот циркус.

Многу фанови на Нирвана и на Курт Кобејн се сомневаат дека германскиот уметник навистина ја поседува пепелта на познатиот пејач.