|
 |
Забава / Showbiz
|
|
Уапсени двајца вработени од имотот на Бекамови
Две лица (Ерик и Џун Емет), кои биле вработени да го чуваат и да се грижат за имотот на познатиот фудбалер Дејвид Бекам и неговата сопруга, поранешната пејачка Викторија се уапсени под сомнение дека украле предмети што им припаѓале на познатата двојка и ги продавале преку интернет.
Полицијата го потврди апсењето, но соопшти дека двајцата уапсени подоцна се пуштени од притвор за да се бранат од обвинувања на слобода.
Претставник на полицијата изјави дека интервенирале по налог на „приватни лица“ за кои подоцна се утврдило дека биле родителите на Викторија.
Тие на интернет забележале дека се нудат за продажба предмети што им припаѓаат на нивната ќерка и зетот, па ја алармирале полицијата. Двајцата вработени денеска демантираа дека краделе од имотот на Бекамови, нарекувајќи ги обвинувањата против нив „фабрикувани“.
Претставик на семејството соопшти дека „имало инцидент“ со кој сега се занимава полицијата, одбивајќи да каже било што повеќе за она што се случувало во куќата на славното британско семејство.
Имотот на Дејвид и Викторија Бекам се наоѓа во англиската област Хертфордсајар и за него се вели дека е „двојник“ на Бакингамската палата во Лондон, дом на британската кралица Елизабета.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|