Во јавноста излегоа фотографии од Мајкл Џексон снимени два дена пред неговата смрт. Тој изгледа одлично на сцената, но 48 часа подоцна Мајкл почина во неговиот дом. Фотографиите се направени во Стејплс Центарот во Лос Анџелес на пробата за престојаната турнеја на која требаше да содржи 50 концерти во лондонската О2 Арена.

- Тој се подготвуваше за концертите и планираше да направи огромно шоу. Мајкл се смееше и шегуваше со неговите танчери и тешко ми е да сфатам дека по 48 часа почина. Џексон изгледаше дека е полн со енергија, изјави извор кој присуствувал на пробата.

Фотографот Кевин Мазур кој ги направил фотографиите рече дека Мајкл на сцената изгледал магично.

Според некои шпекулации Џенет Џексон може да го заземе местото на Мајкл и да настапи на концертите во О2 Арената. Промотерот на турнејата разговарал со Jackson 5 да настапат со Џенет во Лондон.

Точниот датум за погребот на Мајкл сè уште не се знае, иако од семејството на пејачот најавуваат дека тој ќе биде погребан престтојниот викенд. Извор близок до семејството изјави дека мајката и таткото на пејачот сакале приватен погреб, но сепак биле свесни за ситуацијата со обожавателите и поради тоа се откажале од идејата. Според последните информации на погребот веројатно ќе  присуствуваат повеќе од 200.000 луѓе.