|
 |
Забава / Showbiz
|
|
Телото на Мајкл Џексон ќе биде префрлено во „Недојдија“
Телото на еден од најголемите поп музичари на сите времиња Мајкл Џексон утре ќе биде пренесено на неговиот имот „Недојдија“ (Neverland) во Калифорнија, каде од него ќе се опростат членовите на семејството, пријателите и обожавателите, објавија американските медиуми.
Медиумите нагласуваат дека телото ќе биде донесено во придружба на 30 автомобили.
Во меѓувреме, фотографот Кевин Мазур, кој го фотографирал Џексон само 48 часа пред неговата смрт, изјави дека поп ѕвездата бил „полн со енергија“ и добро се забавувал.
Мајкл Џексон, кој продаде најголем број албуми на сите времиња, почина на 50-годишна возраст на 26 јуни во Лос Анџелес.
Аутопсијата на телото на популарниот Џеко е објавена, но точната причина за неговата смрт не е утврдена. Патолозите во Лос Анџелес единствено наведоа дека не станува збор за насилна смрт, но дека точната причина ќе биде позната за неколку недели, откако ќе бидат готови токсиколошките анализи. Семејството на славниот пејач побара нова, независна аутопсија.
Како можна причина за смртта на Мајкл Џексон неофицијално се наведува прекумерното количество лекови за смирување на болките. Славниот пејач наводно секојдневно земал инјекции „демерол“.
Џексон го ангажирал докторот Мареј во мај годинава за да го следи во Лондон каде требал, почнувајќи од овој месец па до март 2010 година, да одржи 50 концерти за кои се продадени рекорден број влезници.
|
|
|
|
|
|
 |
Пребарување
|
|
|
|
|
|
|
IDIVIDI Речник
|
|
|
|
| Powered by MagnumPRO |
|
|
|