Викторија Бекам, поранешната членка на групата „Спајс грлс“ и сопруга на славниот фудбалер Дејвид Бекам, позната по својата љубов кон модата, својата прва колекција ја лансираше во 2008 година.

Нејзините креации се видени на многу ѕвезди од шоу бизнисот како Дру Баримор, Хајди Клум, Сара Џесика Паркер или Ела Мекферсон, но таа сега има намера на списокот на свои клиентки да додаде и едно навистина големо име. Медиумите во САД наведуваат дека станува збор за првата дама на Америка Мишел Обама.

-Навистина многу би сакала да креирам фустан за Мишел Обама. Таа едноставно е неверојатна. Тоа е жена со многу силна личност и навистина е убава, изјави Бекам.