Зимбабве поради големата инфлација е присилен редовно да го зголемува износот на банкнотите. Најновата банкнота пуштена во оптек е во вредност од 250 милиони долари.

Хиперинфлацијата во Зимбабве изнесува 165.000 отсто, а доларот на Зимбабве стана толку безвреден што ако сакате да купите нешто ви требаат најмалку неколку стотина милиони долари.

Државната телевизија во понеделникот објави дека новите банкноти би требало да придонесат за поедноставување на работата со парите.

Зимбабве, кој некогаш беше пример за општествено уредување во Африка, денес се соочува со најтешката криза во својата историја. Државата е исцрпена од хроничната сиромаштија, масовната невработеност, раширениот глад и драстично намалените животни очекувања.