Импровизирањето и подобрувањето на постојните транспортни средства отсекогаш било пасија на луѓето.

Истата водечка сила е присутна и кај шведскиот дизајнер Бо Золанд. Својата страст за моделот на Корвета од 1963 година, го натерала да направи концепт на брз глисер кој ќе ги содржи препознатливите елементи на неговата омилена кола.

Сличностите помеѓу копнениот и водниот модел се многубројни. Како највпечатливи се сметаат разделеното задно стакло, заоблениот ветробран и заден капак на моторот и страничните прозори.

Влезот во Корвета 1963 глисерот е преку крилестите врати. Внатрешноста нуди простор за седење на 5 луѓе.

Понудата за моторите на концептот е прилично долга. Најсилниот мотор е со 550кс, кој може да го придвижи глисерот со брзина од 130 км/ч.

Поради големиот интерес за овој концепт, конструкторот на бродови - Strand-Craft од Шведска реши да ја превземе иницијативата за производство на глисерот.

(Б.Т)