Британските воени трупи во Ирак започнаа да користат ново „софистицирано“ оружје во борбата против малите непријатели, комарците и мувите.

По неуспешните обиди да се справат со инсектите со помош на познатите хемиски супстанции, војниците одлучија своите возила и соби да ги вооружат со канибалски растенија кои јадат инсекти.

Откако на некој од нив им текнало за „природниот начин за справување со летачките инсекти, започнала масовната онлајн побарувачка на растението „Venus Flytraps“

Четириесет и седумгодишниот Алистар Пеирс, сопственик на продавница за егзотични растенија вели дека во последните месеци бизнисот едноставно му цвета, и тоа пред се поради нарачките кои ги добива од Ирак.

„Војниците постојано ми нарачуваат од Venus Flytraps за потребите на нивните оклопни возила. Еден дури и телефонски ми се јави од воената зона од Ирак за да ми нарача, рече дека едноставно не можел да се ослободи од мушичките кои како да направиле инвазија на неговото возило“, вели Алистар Пеирс.

Канибалските растенија напаѓаат со својот „цвет“. Ливчињата- вилица се подотворени и изгледаат како подотворена книга се додека мувата не влета во неа, потоа се затвара и започнува нивната дигестија.

(Д.Т)