После специјални синхронизираните, таканаречени аудио филмови каде спикерите на лицата со послаб вид им ги прераскажуваат случките од екранот, слепите и слабовидите во Чешка го добија и својот прв специјализиран еротски сајт.

Проектот „Тринаесеттата одаја“ за сега содржи две еротски приказни кои на крајот се крунисани со вообичаените звуци на водење љубов“. Приказните можат да се преслушаат на сајтот по цена од 1,25 евра.

„За слепите сексот останува еден од несаканите табуа. Сајтот е еден од начините на кој можеме да ги срушиме“, вели психологот Михал Кухарж, автор на сајтот.

Чешкиот психолог, кој предава  психологија на слабовидите и слепите лица на Масариковиот универзитет во Брно вели дека при изработката на сајтот имал голема помош од Јаначековата академија на уметностите, како и од студентите по глума кои ги снимиле двете приказни. „Тринаесеттата одаја“, веќе подготвува уште четири нови приказни, и се уште ги очекува реакциите од слабовидите лица. Според Кухарж првичните реакции се претежно позитивни.

(Д.Т)