Скокнал во базен длабок 30 сантиметри
Со скокот во базен длабок само 30 сантиметри од трамполина со висина од 11 метри, најпознатиот скокач во екстремно плитка вода Дарен Тејлор, повторно ја воодушеви јавноста.
Овој светски рекордер, кој е познат како Professor Splash, се занимава со оваа вештина на изведување скокови уште од 1983 година.
После изведбата на последниот скок пред публиката во Лондон, 47- годишниот Тејлор, откри некои тајни за својата техника на скокање.
„ Никогаш не гледам во базенот, единственото нешто на кое мислам е како да направам што подобра изведба на скокот“, вели Тејлор.
Она што е интересно е дека овој рекордер, кој настапувал на многу места во светот, до сега не бил посериозно повреден. Негов следен предизвик е соборување на светскиот рекорд со скок од 12 метри висина.
|