"Koha ditore" gazeta më e lexuar, RTV 21 televizioni më i shikuar në KosovëPrishtinë, 2 korrik (MIA) - Gazeta "Koha Ditore" është më e lexuara në Kosovë, ndërsa qytetarët kosovarë më së shumti e shikojnë Televizionin privat 21, tregojnë hulumtimet e Grupit të mediave elektronike në Kosovë, të realizuar me mbështetjen e organizatës amerikane Ajreks.
Hulumtimi, i realizuar në 1.050 të anketuar, ka treguar se në maj dhe në qershor mes gazetave edhe më tej më e lexuara është "Koha ditore", për të cilën janë përcaktuar 20,70 për qind nga të anketuarit.
Pas saj vijnë gazetat, "Kosova sot", "Zëri", "Lajm", "Bota sot", "Infopres" dhe "Epoka e re".
Midis tre televizioneve më i shikuari është RTV 21 me 31 për qind nga votat e të anketuarve, ndërsa pastaj vijojnë Servisi publik RTK me 25,64 për qind dhe Televizioni privat Kohavizion me 22,57 për qind.
|