Tre të infektuar nga gripi i ri i tipit A në KosovëPrishtinë, 5 nëntor (MIA) - Në Kosovë janë regjistruar tri raste të reja të infektimit nga gripi i ri i tipit A. Bëhet fjalë për pacientë të përkatësisë serbe nga Graçanica, Mitrovica dhe Gorazhdeci i Pejës, analizat e të cilëve janë bërë në Institutin Torllak në Beograd, konfirmoi për mediat serbe Rada Trajkoviq, drejtereshë e Shtëpisë së shëndetit në Graçanicë afër Prishtinës.
Në Graçanicë me virusin e gripit të ri është infektuar një vajzë 13 vjeçare, e cila bashkë me dhjetra nxënës të tjerë ditë më parë ka qenë në eskursion në Serbi, ku edhe është infektuar.
Të gjithë këta të sëmurë po mjekohen në shtëpi dhe thuhet se jeta e tyre nuk është në rrezik.
|