Gjashtë raste të reja të vdekjes nga gripi i ri në TurqiAnkara, 11 nëntor (MIA) - Në Turqi janë regjistruar gjashtë raste të reja të vdekjes nga gripi i ri A (H1N1), me çka numri i të vdekurve nga kjo sëmundje arriti në 36, kumtoi Ministria turke e Shëndetësisë.
Mes të vdekurve janë tre fëmijë, dy prej të cilëve në moshë prej nëntë vjetëve dhe një nën një vjeç. Tre viktimat tjera janë të moshës prej 32, 68 dhe 84.
Rasti i parë i vdekjes nga gripi A në Turqi është regjistruar më 24 tetor.
Nga 2 nëntori në Turqi filloi fushata për vaksinim kundër virusit H1N1, e cila do t'i përfshijë së pari punonjësit shëndetësorë dhe personat, të cilët planifikojnë të shkojnë në haxh në Mekë.
|