KB kërkon 459 milionë dollarë për përmbytjet në Pakistan

Nju-Jork, 11 gusht 2010 (MIA) - Kombet e Bashkuara i bëjnë apel komunitetit ndërkombëtar që urgjentisht të sigurojë ndihmë në vlerë prej 459 milionë dollarëve për gjashtë milionë personat e goditur nga përmbytjet në Pakistan, njoftoi sot zyra e Organizatës Botërore për koordinim të ndihmës humanitare.

Apelin për ndihmë e dha shefi i aksioneve humanitare të KB-së, Xhon Hollms, në mbledhjen në selinë e KB-së.

Sipas vlerave të KB-së, më tepër se 14 milionë njerëz janë goditur nga përmbytjet në Pakistan, ndërsa së paku gjashtë deri shtatë milionë njerëzve u nevojitet ndihmë urgjente në ushqim, ujë të pastër, vendosje dhe përkujdesje mjekësore.

Në përmbytjet katastrofale jetën e kanë humbur mbi 1.200 persona ndërsa rreth 300 mijë shtëpi janë dëmtuar ose janë shkatërruar totalisht.