CIA: Ekziston gjasë e madhe që Mubaraku sonte të tërhiqet nga funksioniUashington, 10 shkurt 2011 (MIA) - Shefi i CIA-s Lion Paneta deklaroi para Kongresit se informatat me të cilat disponon zbulimi amerikan tregojnë se presidenti egjiptian Hosni Mubarak është në rrugë të tërhiqet.
Paneta nuk saktësoi se në çfarë dëshmi saktësisht janë bazuar konkluzionet e CIA-s.
Sipas tij, tërheqja e Mubarakut do të ketë rol të rëndësishëm në tranzicionin e qetë në Egjipt.
"Ekziston gjasë e madhe që Mubaraku të tërhiqet që sonte", deklaroi Paneta.
Televizioni egjiptian ndërkohë njoftoi se Mubaraku sonte do t'i drejtohet kombit nga pallati presidencial në Kajro.
|