Mbi një milion demonstrues u tubuan në sheshin "Tahrir" në pritje të dorëheqjes së Mubarakut

Kajro, 10 shkurt 2010 (MIA) - Mbi një milion demonstrues  u tubuan sonte në sheshin qendror në Kajro "Tahrir" dhe në rrugët përreth në pritje të fjalimit të presidentit Hosni Mubarak.

Paraprakisht, më shumë burime, mes të cilëve edhe CIA, paralajmëruan  se ekziston mundësi e madhe që Mubaraku sonte të tërhiqet nga funksioni.

Demonstruesit qartë treguan se nuk do të pranojnë vendosjen e regjimit ushtarak. Një grup i madh njerëzish  në shesh brohorisnin: "Udhëheqje civile, e jo ushtarake".

Mubarak sot ka biseduar me zëvendësin e tij Omar Sulejmani, para se të takohet me kryeministrin Ahmed Shafik, kumtoi televizioni egjiptian.

Ndërkohë ministri egjiptian i Informatave demantoi se Mubarak do të tërhiqet nga funksioni.