ANEB: Gjatë zjarrit në reaktorin e katërt të CB Fukushima 1në atmosferë janë hedhur grimca radioaktiveVjenë, 15 mars 2011 (MIA) - Në zjarrin e reaktorit të katërt të centralit bërthamor Fukushima-1 në Japoni drejtpërsëdrejti në atmosferë janë hedhur grimca radioaktive, kumtoi Agjencia ndërkombëtare për energji bërthamore (ANEB), e cituar nga agjencitë botërore.
Autoritetet japoneze e njoftuan ANEB-in se zjarri në reaktorin e katërt të centralit bërthamor Fukushima -1 e ka përfshirë edhe rezervarin për karburant të përpunuar, prej ku drejtpërsëdrejti në atmosferë janë hedhur grimca radioaktive.
ANEB-i e konfirmoi edhe kumtesën e burimeve japoneze se në rajonin e reaktorit djegës është matur radiacion me intensitet prej 400 milisivertë në orë. Agjencitë theksojnë se, sipas ANEB-it, intensiteti i radiacionit normal është rreth tre miliservertë në vit.
"Autoritetet japoneze na njoftuan se me siguri zjarri është shkaktuar nga shpërthimi i hidrogjenit", theksohet në kumtesën e ANEB-it.
|