Njëzet vende të BE-së propozuan ndihmë për Japoninë, një japoneze dhuroi 123.000 dollarë për të pësuaritTokio, 16 mars 2011 (MIA) - Njëzet vendet e BE-së i propozuan ndihmë Japonisë, deklaroi kryetari i Këshillit të BE-së, Herman van Rompuj.
Deri më tani 20 vende propozuan personel dhe material në kuadër të mekanizmit evropian për mbrojtje civile, tha Van Rompuj në konferencën e përbashkët për shtyp me kryeministrin polak Donald Tusk.
"Jemi të gatshëm t'ju ndihmojmë japonezëve në rast të përkeqësimit të ri të situatës në centralin bërthamor", tha ai, pa dhënë më shumë detaje.
Masat e para për ndihmë përfshijnë dërgim të spitaleve mobile, instalacione për pastrimin e ujit dhe ekipe për shpëtim, tha Van Rompuj.
Banorja shtatëdhjetëvjeçare e qytetit japonez Osaka dhuroi dhjetë milionë jeni (mbi 123.000 dollarë) për t'ju ndihmuar të pësuarve nga tërmeti, njoftojnë mediat japoneze.
Gruaja i ka dorëzuar kryebashkiakut zarf të madh me paratë me kërkesë që të shfrytëzohen për t'ju ofruar ndihmë të pësuarve.
|