Në Ukrainë 174 të vdekur nga gripi i ri dhe infeksionet respiratore

Moskë, 10 nëntor (MIA) - Sipas të dhënave më të reja nga Ministrisa ukrainase e Shëndetësisë, numri i viktimave nga gripi i ri dhe infeksioneve respiratore prej dje është rritur për 19 persona dhe tash arrin në 174, përderisa numri i të sëmurëve kaloi një milionshin.

Të dhëna për numrin e të sëmurëve nga gripi i ri pandemik Ministria e Shëndetësisë nuk njofton. Sipas informatave të djeshme, deri tash në mënyrë laboratorike janë konfirmuar 65 raste nga infektimi me virusin e gripit A(H1N1), prej të cilëve 14 pacientë kanë vdekur.

Mediat ruse njoftojnë se me urdhër të Ministrisë uktainase të Shëndetësisë janë blerë 500.00 paketime të ilaçit "tamiflu" i cili shfytëzohet në luftën kundër gripit të ri dhe se pritet dërgesë edhe e 400.000 paketimeve.

Nga fillimi i epidemisë nga fundi i tetorit, nga gripi dhe infeksionet respiratore janë sëmurë 1.031.597 njerëz, ndërsa vetëm në 24 orët e fundit - 62.350. Ukraina ka 46 milionë banorë.

Të hospitalizuar janë 52.746 persona, përderisa në përkujdesje intensive gjenden 334 të sëmurë.