 |
IDIVIDI Fjalorë
|
|
|
|
| Powered by MagnumPRO |
|
|
|
 |
Shqip / Maqedoni
|
|
Lobistë të DR-së në SHBA në fushatë për zgjidhjen e emrit
 Shkup, 5 tetor (MIA) - Lobistë shqiptaro-amerikan të partisë Demokracia e Re po lobojnë në SHBA për zgjidhjen e kontestit të emrit të Maqedonisë me qëllim të mos humbjes së procesit të anëtarësimit të vendit në NATO.
Lajmi bëhet i ditur nga korrespodenti i agjencisë së lajmeve INA në Nju Jork. Siç nënvizohet, lobistët shqiptaro-amerikan të partisë Demokracia e Re, lideri i së cilës në fund të muajit të kaluar vizitoi SHBA-të, po zhvillojnë takime me personalitete të politikës amerikane.
Siç transmeton MIA, ata në agjendën e tyre kanë si qëllim njohohjen me nevojën e pashmangshme që Maqedonia të përfshihet në procesin e anëtarësimit në NATO, duke ndihmuar në zgjidhjen e kontestit të emrit me palën greke.
Drejtori i Këshillit Kombëtar Shqiptaro-Amerikan(NAAC), Avni Mustafaj në një intervistë të fundit për agjencinë e lajmeve INA deklaroi se NAAC në partneritet me administratën amerikane është pjesë e zgjidhjeve në rajon.
“Maqedonia dhe Greqia duhet të merren vesh se derisa të gjithë dëshirojnë pavarësi politike në vendet e Ballkanit, dhe në të vërtetë në Evropë, duhet të jenë më të ndërvarura ekonomikisht dhe ushtarakisht përmes NATO-s”, deklaroi Mustafaj.
Presidenti Branko Cërvenkovski në vizitën e fundit në Nju Jork në takimet me përfaqësuesit e komunitetit shqiptaro-amerikan kërkoi mbështetjen për Shkupin në rrugëtimin drejt anëtarësimit në NATO.
|
|
|
|
|
|
|
Пребарување
|
|
|
|
|
|
|