Lideri i BDI-së Ahmeti ngushëllon popullin polakShkup, 11 prill (MIA) - Kryetari i Bashkimit Demokratik për Integrim, Ali Ahmeti në një letër ngushëllimi drejtuar popullit polak thotë se “Me dhimbje dhe trishtim të madh e mora lajmin për aksidentin tragjik që ndodhi në Rusi në të cilin humbën jetën Presidenti polak, z. Leh Kaçinski, bashkëshortja e tij, deputetët, ushtarakët dhe zyrtarët e tjerë të lartë të shtetit polak. Ju lutem pranoni ngushëllimet e mia më të sinqerta në këto çaste të vështira pikëllimi dhe humbjeje të madhe për popullin tuaj”.
Më tej në letrën e ngushëllimit të kryetarit të BDI-së , Ali Ahmeti thuhet “Duke bashkëndjerë me ju në këtë tragjedi të rëndë, dëshiroj dhe uroj që të gjeni dëshirën në zemrat tuaja dhe fuqinë në mendjet tuaja, për ta tejkaluar këtë dhimbje të madhe”.
|