Komisioni Evropian e respekton rezultatin nga referendumi në Greqi

Bruksel, 6 korrik 2015 (MIA) - Komisioni Evropian e merr parasysh dhe e respekton rezultatin e referendumit në Greqi, lajmëroi korrespondenti i MIA-s nga Brukseli.

Në kumtesën e liferuar mbrëmë nga Qeveria joformale e Bashkimit Evropian dhe pas "jo"-së të fuqishme të popullit grek të thënë për referendumin për pranimin e masave për kursim nga kreditorët ndërkombëtarë, theksohet edhe se kryetari Zhan Klod Junker mbrëmë dhe gjatë ditës së nesërme do të konsultohet me udhëheqësit e zgjedhur demokratikë të 18 vendeve të tjera anëtare të eurozonës, si dhe me udhëheqësit e institucioneve të BE-së.

"Sot ai do të realizojë lidhje konferenciale midis 'Euro-institucioneve' (me kryetarin e Euro-Samitit, me kryetarin e Eurogrupit dhe me kryetarin e Bankës Qendrore Evropiane). Junker ka për qëllim të drejtohet në Parlamentin Evropian në Strasburg të martën", thekson Komisioni Evropian në kumtesë.

Mossuksesi i referendumit në Greqi është një goditje e fuqishme për vetë Komisionin dhe për të gjitha institucionet e BE-së, duke e pasur parasysh atë që personalisht Junkeri dhe përfaqësuesit e tjerë të lartë të BE-së janë përfshirë në fushatën për referendumin në Greqi, duke kërkuar që grekët të thonë "po" për masat për kursime dhe reforma, gjë që nuk ndodhi.