Cipras: Greqia nuk është e fuqishme vetë ta zgjidh krizën e refugjatëveAthinë, 6 nëntor 2015 (MIA) - Për zgjidhjen e krizës së refugjatëve në Greqi nevojitet bashkëpunim midis shtetit, autoriteteve lokale dhe kishës, deklaroi kryeministri grek, Aleksis Cipras në seancën e zgjeruar të Qeverisë, në të cilën është folur për këtë temë të ashpër, kumtoi edicioni elektronik i gazetës greke "Proto tema".
Në seancën e Qeverisë morën pjesë ministrat e kabinetit, përfaqësues të autoriteteve lokale të ishujve në pjesën lindore të Detit Egje si dhe ipeshkvi i Greqisë, Jeronimos, transmeton BTA.
Cipras nënvizoi se kriza e refugjatëve është "problem evropian dhe botëror" dhe Greqia nuk ka fuqi që të ballafaqohet me të.
Sipas kryeminstrit grek, zgjidhja e problemit duhet të kërkohet në nivelin evropian, pasi që asnjë bashkësi lokale nuk mund ta mbajë një barë të tillë.
Kryeministri grek, dje, bashkë me kryetarin e Parlamentit Evropian, Martin Shulc, ishte në ishullin Lezbos, që ta hapin qendrën e parë për regjistrimin e shpejtë të emigrantëve.
Për shkak të afërsisë së drejtpërdrejtë me bregun turk ky ishull është më i përfshirë nga vala e refugjatëve. Çdo ditë nga bregu i afërt turk rrugës drejt Evropës mbërrijnë mijëra emigrantë.
Në këtë rajon shpesh ndodhin edhe incidente me anije të stërmbushura me të cilat udhëtojnë.
|