Kosova për tri vota nuk ia del të bëhet anëtare e UNESCO-sParis, 9 nëntor 2015 (MIA) - Kosova nuk ka arritur të marrë numrin e votave të mjaftueshme në Konferencën e Përgjithshme të UNESCO-s për t'u bërë anëtare e kësaj organizate.
Konferenca e Përgjithshme e Organizatës së Kombeve të Bashkuara për Arsim, Shkencë dhe Kulturë (UNESCO), nuk votoi sot në favor të pranimit të Kosovës në këtë organizatë.
Për pranimin e Kosovës në UNESCO duheshin votat e më shumë se dy të tretat e vendeve anëtare të kësaj organizate, të pranishme në punimet e sotme.
Votës pro i munguan gjithsej 3 vota.
Kërkesa e Kosovës për anëtarësim është paraqitur zyrtarisht nga Shqipëria.
Votimit për anëtarësim i parapriu një kërkesë e delegacionit të Serbisë, për ta shtyrë votimin e sotëm, por e cila kërkesë nuk arriti të marrë vota të mjaftueshme.
Palestina votoi kundër pranimit të Kosovës në UNESCO.
Votimi i ardhshëm për pranimin e Kosovës në UNESCO mund të bëhet pas dy vjetësh, në vitin 2017.
|