Ministri i Drejtësisë i Shqipërisë dha dorëheqjeTiranë, 9 nëntor 2015 (MIA) - Ministri i Drejtësisë i Republikës së Shqipërisë Nasip Naço vonë pasdite dha dorëheqje nga funksioni, të cilin e ka kryer dy vite, lajmëroi korrespondenti i MIA-s.
Në dorëheqjen me shkrim deri te kryeministri i Shqipërisë Edi Rama, Naço thekson se në këtë hap ka vendosur "për arsye personale".
Tani për tani nuk ka informacione nëse kryeministri e ka pranuar dorëheqjen, por siç thekson edicioni elektronik i gazetës "Shekulli", Naço është ministri i parë i cili largohet nga Qeveria, pas informacioneve se përgatitet rikonstruim qeveritar, që janë shfaqur në opinion pas takimit të Ramës me liderin e partnerit të koalicionit, Lëvizja Socialiste për Integrim, Ilir Meta.
Naço në funksionin ministër i Drejtësisë është që nga formimi i Qeverisë së socialistit Rama në shtator të vitit 2013.
Dorëheqja e tij vjen në kohë shumë kyçe për institucionin që e ka udhëhequr, sepse Shqipëria filloi reformë në gjyqësi, e cila është një prej më të rëndësishmeve në kuadër të përgatitjeve për integrim në BE.
Naço është njohës i mirë i gjyqësisë. Përveç asaj që ishte deputet dhe ministër, ai në të kaluarën ishte edhe prokuror, drejtor i shërbimit sekret pranë MPB-së, si dhe shef i sektorit për antiterrorizëm.
|