Erdogan: Do ta hapim kufirin me Sirinë nëse kjo është e domosdoshme

Ankara, 7 shkurt 2016 (MIA) - Turqia është e gatshme, nëse kjo është e domosdoshme, ta hapë kufirin dhe në vend t'i lëshojë dhjetëra mijë refugjatët sirianë, të cilët kanë mbetur të bllokuar në kufiri, pasi që kanë ikur nga sulmet e regjimit të Asadit, porositi presidenti turk Rexhep Taip Erdogan.

"Regjimi sirian tani ka bllokuar një pjesë të Alepos... Turqia është nën kërcënim. Nëse vijnë deri në dyert tona dhe nuk kanë zgjidhje tjetër, nëse kjo është e domosdoshme, ne duhet këtë ta bëjmë dhe do t'i lëshojmë tek ne vëllezërit tanë", deklaroi Erdogan, pas kthimit nga Senegali.

Vendkalimi kufitar turk me Sirinë, Enxhipënar ka mbetur i mbyllur për mijëra refugjatët, të cilët tashmë tre ditë presin të hyjnë në Turqi.

"Por, kufiri edhe më tej është i hapur për raste urgjente", deklaroi një përfaqësues anonim turk, duke shtuar se shtatë refugjatë të lënduar sirianë të premten janë transferuar në Turqi për mjekim, ndërsa dje është sjellur edhe një person i lënduar.