Bujqit grekë po vendosin tenda në Sintagma

Athinë, 12 shkurt 2016 (MIA) - Bujqit grekë të cilët këtë fundjavë do të protestojnë në Athinë, po vendosin tenda në sheshin qendror Sintagma, para Parlamentit.

Paradite erdhi deri në përplasje midis policisë dhe bujqëve nga Kreta të cilët u mblodhën para Ministrisë së Bujqësisë, por momentalisht situata është e qetë.

Policia po i parandalon traktorët që të hyjnë në qendrën e Athinës, kështuqë bujqët po bllokojnë disa rrugë dhe bulevarde rreth qendrës së qytetit dhe vetë kalimet drejt Athinës, si dhe drejt aeroportit ndërkombëtar.

Kohë pas kohe po lëshohen automjete, por autoritetet lokale paralajmëruan se qarkullimi në kryeqytetin grek dhe rrethinë këtë fundjavë do të jetë shumë i vështirësuar dhe me ndërprerje të cilat mund të paralajmërohen paraprakisht.