Komisariati i lartë i KB-së për refugjatë i shqetësuar nga marrëveshja Turqi-BE

Strasburg, 8 mars 2016 (MIA) - Komisariati i lartë i KB-së për refugjatë Filipo Grandi sot deklaroi se thellësisht është i shqetësuar nga projekti për marrëveshjen midis BE-së dhe Turqisë, që parashikon kthim të të gjithë migrantëve në Turqi, duke i përfshirë edhe sirianët që kërkojnë azil, njofton BTA.

"Thellësisht jam i shqetësuar nga çfarëdo lloj marërveshje, që përfshin kthim të paselektuar të njerëzve nga një vend në vend tjetër dhe nuk saktësoi garanci për mbrojtje të refugjatëve në pajtueshmëri të dispozitave të së drejtës ndërkombëtare", tha Grandi në sesionin e PE-së në Strasburg.

Grandi theksoi tre kushte, gjatë së cilave kthimi i kandidatëve për azil në "vend të tretë" do të mund të konsiderohet si adekuate e të drejtës ndërkombëtare. "Por, para së gjithash, çdo refugjat duhet të jetë "i mbrojtur nga përndjekja", dhe në qoftë se merr azil, kjo duhet të jetë në pajtueshmëri me standardet ndërkombëtare, me qasje të plotë dhe reale deri te arsimi, mbrojtja shëndetësore dhe në qoftë se është e domosdoshme, ndihmë sociale", shtoi Grandi.