Princi Çarls dhe bashkëshortja e tij e fillojnë turneun nëpër Ballkanin PerëndimorTrashëguesi i fronit të Britanisë së Madhe, princi Çarls nga Uellsi dhe bashkëshortja e tij Kamilla Parker, dukesha nga Kornvoli, sot nga Zagrebi e fillojnë turneun në vendet e Ballkanit Perëndimor - Kroaci, Serbi, Mal të Zi dhe Kosovë, me qëllim të promovimit të paqes, pajtimit, ripërtërirjes dhe mbështetjes për të rinjtë, transmeton BTA.
Sot ata do të kenë takime me presidenten e Kroacisë Kolinda Grabar Kitaroviq dhe me kryeministrin Tihomir Oreshkoviq, ndërsa është paraparë edhe që të marrin pjesë në kremtimin në Teatrin Popullor me rastin e 70-vjetorit nga formimi i Këshillit britanik në Kroaci.
Nesër çifti mbretëror do ta vizitojë qytetin Osiek, ku do të marrë pjesë në takim me komunitete të ndryshme lokale fetare dhe etnike.
Kjo është vizita e dhjetë e princit Çarls në këtë rajon, ndërsa vizita e parë e dukeshës nga Kornvoli.
Ai për herë të parë i vizitoi Kroacinë, Malin e Zi, Serbinë dhe BeH-në në vitin 1978. Deri më tani Bosnjë e Hercegovinën e ka vizituar katër herë, Kroacinë - katër herë, Maqedoninë dhe Kosovën një herë.
Turneu i tyre do të zgjasë deri më 19 mars.
|