Independent: Kosova e pesta në botë që i ka kontribuar SHI-së, Shqipëria e shtata

Prishtinë, 25 maj 2016 (MIA) - Sipas një statistike për vitin 2015 të nxjerrë nga Independent për vendet në botë nga kanë shkuar më së shumti të luftojnë përkrah grupit terrorist SHI, Kosova radhitet e pesta në listë.

Independent ka nxjerrë statistikë për pjesëtarët e huaj që luftojnë krahë SHI-së, duke radhitur kështu Kosovën në vendin e pestë për vitin 2015 me 83 luftëtarë, shkruan Gazeta Express.

Në vendin e parë radhitet Jordani me 315 persona që shkuan të luftonin krahë SHI-së në Siri dhe Irak.Në vendin e dytë vjen Tunizia, Arabia Saudite, ndërsa e treta është Bosnja dhe Hercegovina me 92 luftëtarë që u larguan nga vendi për të luftuar me SHI-në. As Shqipëria nuk mungon nga kjo listë, duke u radhitur kështu e 7-ta ne renditje.

Vendet me më së paku persona që shkuan të luftonin krahë grupit terrorist janë Kuvajti dhe Franca me 18 persona gjatë vitit 2015.