Mogerini e paralajmëroi Ankaranë të mos ndërmarrë masa të cilat do ta prishin rendin kushtetues

Bruksel, 18 korrik 2016 (MIA) - Shefja e diplomacisë evropiane Federika Mogerini sot e paralajmëroi Qeverinë turke të mos ndërmerr masa që do ta prishin rendin kushtetues në vend pas tentimit të pasuksesshëm për grusht shtet, në natën midis 15 dhe 16 korrik, transmetuan mediat britanike.

"Ne ishim të parë të cilët në këtë natë tragjike thamë se institucionet legjitime duhet të mbrohen. Ne jemi ata të cilët sot themi se në vend duhet të sigurohet qeverisja e ligjit. Nuk ka kërkim falje për hapat të cilat vendin e largojnë nga kjo rrugë. Institucionet demokratike dhe legjitime duhet të mbrohen. Sot ne, së bashku me ministrat, do të themi se kjo si duket nuk do të thotë se qeverisja e ligjit dhe sistemi për ndarje dhe kontroll të përbashkët të pushtetit mund të lihet pas dore", deklaroi Mogerini gjatë arritjes në seancën e Këshillit të Bashkimit Evropian për punë të jashtme.